Se pa di yo di w ou s on fanm?
Se pa wè ou wè sa yo di w sanble sa?
Se pa tande ou tande ou ka di sesi ou ka di sela?
Se pa di yo di w kijan ou dwe aji?
Ti fi "ou paka ri konsa", "dekwaze pye w", "dekwaze bra w"
Se pa di moun di w kijan ou dwe panse, ki rad ou dwe mete, kilè pou w soti, kilè pou w antre?
Selon konpreyanson m, lasosyete mete on pakèt baraj,
on pakèt fo prensip ki sanble sèlman pou fanm.
Si nou pran tan n pou swiv yo, tout maladi ka monte sou nou, menm ata laraj.
Ou viv selon yo, w ap pase mal , ou viv selon ou menm, y ap kritike w.
Ou di sa k nan lespri w, yo di w pe. Men si ou pa pale.. hmm!
Jounen 8 mas sa a, yon jounen pou dwa entènasyonal fanm.
Fanm tankou m yo, ki dwa w?